«Кыргызстандын аэропорттору» акционердик коомунун жана «Мамлекеттик камсыздандыруу уюму» акционердик коомунун ортосунда камсыздандыруу боюнча кызматташуу меморандуму кол коюлду.
Документ эки уюмдун башкармалыктарынын төрагалары Манасбек Самидинов жана Элдияр Калдарбеков тарабынан кол коюлду.
Бул келишим милдеттүү жана ыктыярдуу камсыздандыруу тармагында, мүлк, транспорт, жүк, жоопкерчилик, ошондой эле авиация инфраструктурасынын объектилерин эксплуатациялоонун коопсуздугуна байланыштуу тобокелдиктерди камтыган өнөктөштүк мамилелерди бекемдөөгө багытталган.
Тараптар узак мөөнөттүү кызматташуу үчүн шарттарды иштеп чыгууга жана негизги багыттар боюнча адистештирилген келишимдерди түзүүгө ниеттенишет.
