Ал ошондой эле, ылайыктуу сыйлык жоктугу жаш адистерди бул тармакта иштөөгө тартпайт деп баса белгиледи.
Мындан тышкары, депутат малды вакцинациялоо маселесине көңүл бурду.
Бул боюнча өкмөт башчынын орун басары жана айыл чарба министри Бакыт Торобаев вакцинациялоо иштери улантылып жатканын айтты.
«Чын эле, жаш ветеринарлардын саны аз. Биз азыр жаштарды биздин тармакка тартуу боюнча, Ветслужба кызматкерлеринин маянасын жогорулатуу маселелерин активдүү иштеп жатабыз», - деди ал.
Бул күнү ошондой эле Кыргыз Республикасынын Суу ресурстары, айыл чарба жана кайра иштетүү өнөр жайы министрлигинин 2026-жылга жазгы талаа иштерине даярдык тууралуу маалыматы талкууланды.
