Ош облусуна болгон жумушчу сапарында өкмөт башчы Адылбек Касымалиев Ош – Кара-Суу автожолунун курулушу жана Ош шаарындагы «Комбинат благоустройства и озеленения» муниципалдык ишканасына таандык жаңы жылыжайдын курулушу менен таанышып чыкты.
Өкмөт башчынын маалымат кызматынан билдиришкендей, Касымалиев автожолунун курулушунун учурдагы абалын текшерип, жол кыймылынын коопсуздугун жогорулатуу жана тыгындарды азайтуу үчүн төрт тилкелүү жол болорун белгилеген. Учурда республикалык бюджеттен бул долбоорго 2,5 миллиард сом бөлүнгөн.
Касымалиев бул объектилерди белгиленген мөөнөттө жана жогорку сапатта аяктоо боюнча тапшырма берди. ```
