Анын маалыматына ылайык, Кара-Суй районунун ИИМ кызматкерлери тарабынан жүргүзүлгөн ыкчам-издөө иш-чараларынын натыйжасында, издөөгө алынган кыз Ош шаарында табылган.
«2026-жылдын 21-февралында Айжанат Акжолованын, 2010-жылы туулган, Ош шаарында жайгашкан жери аныкталды. Ал Кара-Суй районунун ИИМине жеткирилди. Жашы жете элек кыз менен түшүндүрүү иши жүргүзүлүп, андан кийин ата-энесине өткөрүлүп берилди», - деп айтылат маалыматта.
Мурда социалдык тармактарда А. Акжолова 2026-жылдын 17-февралында үйдөн чыгып кеткендиги жана ошол убактан бери жоголгондугу тууралуу маалымат тараган.
