Кыргызстандын Билим берүү министрлиги 7-класстын окуучулары үчүн кыргыз жана орус тилдеринде окутуу жүргүзгөн мектептерге арналган табигый илимдер боюнча окуу китебинин чыгышы тууралуу маалымдады.
Министрликтин маалыматына ылайык, жаңы окуу китептеринин жалпы тиражы 144 965 дананы түзөт. Алардын ичинен 86 600 данасы кыргыз тилинде окутуучу мектептерге, ал эми 58 365 данасы орус тилдүү мектептерге арналган.
Окуу китептери өлкөнүн бардык аймактарындагы билим берүү мекемелерине таратыла турган болот.
Бул окуу-методикалык комплекс белгиленген мамлекеттик билим берүү стандарттарына ылайык иштелип чыккан.
