Окуу жайы үч кабаттуу болуп, анын жалпы долбоордук баасы 174 млн 166 миң 248,06 сомду түзөт.
Курулуш иштерин ОсОО «ПСО Адис Строй» компаниясы жүргүзүүдө.
Мурда айылда 1997-жылы курулган, 90 орунга ылайыкташкан эски мектеп иштеп турган. Соңку жылдарда анда 1-9-класстарда 127 окуучу билим алган, ал эми жогорку класстагылар башка билим берүү мекемелерине барууга мажбур болушкан.
Юстиция министрлигинин маалыматына ылайык, ОсОО «Проектно-строительное объединение «АДИС СТРОЙ» компаниясынын негиздөөчүсү жана директору Азизов Ибраим, ал эми компаниянын негизги ишмердүүлүгү турак жана турак эмес имараттарды куруу болуп саналат.
Компания 2017-жылдын 16-февралында катталган жана 2025-жылдын 19-мартында кайра каттоодон өткөн.
