Жолугушуу учурунда Кулубаев Швейцария тарапты 2026-жылы ОБСЕдеги төрагалыкка дайындалышы менен куттуктап, бул уюмдун алкагында активдүү кызматташууга даярдыгын билдирди.
Тараптар эки тараптуу мамилелердеги оң тенденцияларды белгилеп, жогорку деңгээлдеги байланыштарды улантуунун зарылдыгына көңүл бурду. Соода-экономикалык кызматташтыкты өнүктүрүүгө, инвестицияларды тартууга, туризм маселелерине жана биргелешкен долбоорлорго негизги көңүл бөлүндү.
Мындан тышкары, жолугушуунун катышуучулары туруктуу тоо өнүктүрүү маселелери боюнча пикир алмашып, эл аралык темаларды талкуулашты. Переговорлордун жыйынтыгында Кыргызстан менен Швейцариянын ортосундагы өнөктөштүктү бекемдөөнү улантууга жана конструктивдүү диалогду өнүктүрүүгө өз ара кызыгууну тастыктады, деп билдирет Тышкы иштер министрлиги.
