Кыргыз Республикасынын Борбордук шайлоо комиссиясында 24-февралда жыйын өтүп, бош депутаттык мандаттарды өткөрүү боюнча чечим кабыл алынды. Дуйшенбиев Райимберди Сейдакматович көпмандаттуу шайлоо округу №14төн жана Нышанов Джайлообай Данибаевич округ №15тен Жогорку Кеңештин жаңы депутаттары болуп дайындалды.
Маалыматка ылайык, Дуйшенбиев расмий түрдө округ №14төн депутат катары катталса, Нышанов округ №15 боюнча мандат алды. Аларга статусун тастыктаган күбөлүктөр жана төш белгиси тапшырылды.
Эскерте кетсек, мурда Кундузбек Сулайманов жана экс-спикер Нурланбек Тургунбек уулу өз мандаттарын эрте тапшырышкан.
