Акыркы күндөрү социалдык тармактарда Жогорку Кенештин депутаты Чынгыз Ажибаевдин атасынын уюшкан кылмыштуу топко катышы болушу мүмкүн деген маалыматтар активдүү талкууланууда. Бул тууралуу парламенттин жыйынында депутат Исманали Жороев билдирди.
Ал мындай ушактар коомчулукта олуттуу тынчсызданууну жаратат деп белгиледи.
«Бул айыптоолор парламенттин жалпы репутациясына терс таасир этет. Компетенттүү органдар юридикалык текшерүү жүргүзүшү керек. Эгер маалымат чын болсо, анда ал гана эмес, ээлеген кызматын таштап кетиши керек, ошондой эле мандатын тапшырганы туура», - деп баса белгиледи ал.
