Анын айтымында, ал Жогорку Кенештин биринчи орун басарынын ыйгарым укуктарын өз каалоосу менен таштап, тарапташтарына жана шайлоочуларына ыраазычылык билдирди.
«Кээ бир адамдар фейк аккаунттарды колдонуп, менин дискредитациям үчүн кампания уюштурушту, бул жогорку деңгээлге көтөрүлдү. Алар беш жыл мурун шайлоодо колдонулган эски ыкмаларды кайрадан колдонуп, Орозо айында жалган маалыматтарды таратууда. Убакыт баарын өз ордуна коет, жана шайлоочулар өз тандоосун жасашат», — деди ал.
Ажибаев, эл алдында милдеттерин аткарууну жана шайлоо убагында берген убадаларын ишке ашырууну улантаарын белгиледи.
Эскерте кетсек, кечээ социалдык тармактарда Чынгыз Ажибаев депутаттык мандатын тапшырмакчы деген ушактар пайда болгон. Бирок кийинчерээк ал бул маалыматты четке какты.
Ошол эле учурда, анын кесиптештери Чынгыз Ажибаевдин атасы уюшкан кылмыштуу топ менен байланышы бар-жогун текшерүүнү суранышты. Айрыкча, депутат Исманали Жороев акыркы убакта социалдык тармактарда анын атасынын ОПГга тиешеси тууралуу маалыматтар активдүү талкууланып жатканын белгиледи.
