Жолугушуунун жүрүшүндө Улуу Британияда жана Кыргыз Республикасында ишке ашырылып жаткан акча-кредит саясатынын маанилүү аспекттери талкууланды.
Мындан тышкары, жолугушуунун катышуучулары эки өлкөдөгү финансылык туруктуулукту сактоо боюнча маселелерди талкуулашты жана төлөм системалары жана финансылык секторлордун санариптик трансформациясы боюнча заманбап тренддер жөнүндө пикир алышты.
Англия банкы мегарегулятор катары акча-кредит саясатын жүргүзүп, өлкөнүн финансылык системасы боюнча пруденциалдык көзөмөлдү жүргүзөт. Өзүнүн структуралык бөлүмдөрү, мисалы, Пруденциалдык жөнгө салуу башкармалыгы (PRA) аркылуу банк, камсыздандыруу компаниялары жана инвестициялык фирмаларды көзөмөлдөп, финансылык системанын туруктуулугун камсыздайт.
Жолугушуунун жыйынтыгы боюнча тараптар өнөктөштүк мамилелерди тереңдетүүгө кызыктар экендиктерин билдиришти жана эки тараптуу кызматташтыкты мындан ары бекемдөө үчүн маанилүү мүмкүнчүлүктөрдүн бар экенин тастыкташты.
