Ата-энелер мектептин аймагында окуучулар жүргөн тротуар бар экенин белгилешти, бирок унаалар кээде эрежелерди бузуп, ошол жерге кирип кетишет. "Биз мэриядан бул жагдайга көңүл бурууну жана унаалардын киришине жол бербөө үчүн тосмолорду орнотууну, же болбосо мектептин киришине шлагбаум коюуну суранабыз", - деп жазышкан.
Ошондой эле ата-энелер айдоочуларга жолдо кооптуу кырдаалдарды жаратпоо боюнча чакырык жасашты. "Баланы мектептин эшигине чейин жеткирүүнүн эмне кереги бар? - деп сурашат ата-энелер. - Унааны жээгине коюп, жөө барса болот. Мектепке болгону 300 метр. Коопсуздукка коркунуч туудурбаңыздар!"
Жооп катары, Бишкек мэриясынын маалымат кызматы Свердлов районунун администрациясына шилтеме берип, "Бишкекасфальтсервис" ЖЧКсы тротуар боюнча кыймылды токтотуу үчүн чектөө элементтерин орнотууну пландап жатканын билдирди.
