Ысык-Көл облусунун жол коопсуздугун камсыздоо башкармалыгы тарабынан берилген маалыматка ылайык, окуя 1-мартта болгон.
Алдын ала териштирүү көрсөткөндөй, «Toyota 4Runner» унаасы Ж.Жусаев көчөсү боюнча түштүк тарапка бара жатканда, К.Карасаев көчөсүнөн чыгыштан батышка өтүп жаткан «Mazda 626» унаасы менен кагышкан.
Кагылышуунун натыйжасында эки транспорт каражаты да олуттуу деформацияларга учурады. Учурда айдоочулардын жана жүргүнчүлөрдүн абалы тууралуу маалымат такталууда.
Бул окуя тууралуу маалымат Караколдун Ички иштер бөлүмүндө катталган. Учурда укук коргоо органдары кырсыктын себепкерин аныктоо үчүн зарыл териштирүүлөрдү жүргүзүүдө.
