Бишкекте, 2-мартта, Түрк дүйнөсүнүн балдар оюндары фестивалынын алкагында педагогдор үчүн окутуу иш-чараларынын цикли башталды. Билим берүү министрлигинин маалыматына ылайык, бул иш-чара балдар үчүн салттуу оюндарды популяризациялоого, түрк өлкөлөрүндөгү балдардын ортосундагы маданий байланыштарды тереңдетүүгө жана балдар оюндары боюнча жалпы архив түзүүгө багытталган.
Окутууга Кыргызстандан 30 педагог жана тарбиячы, ошондой эле Билим берүү министрлигинин бала бакча билим берүү башкармалыгынын башчысы Нурзида Касымова жана Түркиядан келген тренерлер катышууда. Иш-чара «Маариф» билим берүү комплексинде өтүп, үч күнгө созулат.
Программа учурунда Түркиядан 4 салттуу балдар оюну жана Кыргызстандан 4 улуттук оюн сунушталат, ошондой эле түрк мамлекеттеринде аларды практикага киргизүү боюнча методикалык сабактар пландалууда.
