Иш-аракеттин инициативасы Премьер-министрдин орун басарына таандык.
«Бул мыйзам долбоору карыз алуучулардын кредиттик маалыматтарын сактоо мөөнөтүн кыскартууну сунуштайт, бул болсо кредиттерге жетүүнү жеңилдетет, банктардагы жүктөмдү азайтат жана кичи жана орто бизнесин өнүктүрүүгө көмөктөшөт», - деп белгиледи Экономика жана соода министринин орун басары Беназир Нурланова.
Анын айтымында, мыйзам долбоорунун максаты кредиттик маалыматтар боюнча мыйзамдарды жакшыртуу.
«Депутаттардан келген сунуштарды эске алуу менен, терс кредиттик тарыхтын жалпы сактоо мөөнөтүн 5 жылдан 2 жылга чейин кыскартуу, ал эми оң кредиттик тарыхтын сактоо мөөнөтүн 7 жылдан 5 жылга чейин кыскартуу сунушталууда», - деп кошумчалады Нурланова.
