Ал мындай процесстерди ачык талкуулоонун маанилүүлүгүн белгиледи.
«Эффективдүү көзөмөл механизмдерин киргизгенде, бизнес, адатта, белгилүү бир каршылык көрсөтөт. Алар мындай демилгелерди башынан эле колдобойт», — деди Акматов.
Анын айтымында, айрым кооптонуулар чындыгында негиздүү, бирок негизсиз дооматтар да бар.
«Объективдүү кооптонуулар бар, бирок ошондой эле объективдүү эмес кооптонуулар да бар, алар көбүнчө базардагы айрым катышуучулардын ачык-айкындыкка толук ылайык иштегиси келбегендиги менен байланыштуу», — деп кошумчалады ал.
Акматов 2023-жылы Кыргызстанда сыра үчүн акциздик марка киргизилгенин эске салды. Ал учурда жергиликтүү өндүрүүчүлөр бул чарага каршы активдүү чыгып, маркировка керек эместигин билдиришкен. Бирок, киргизилгенден эки жыл өткөндөн кийин, бул тармакта көрсөткүчтөр үч эсе өскөн.
Анын айтымында, шекер камтыган ичимдиктердин маркировкасы боюнча да окшош кырдаал болгон. Өндүрүүчүлөр жана импорттоочулар бул чараны ашыкча деп эсептеп, нааразычылык билдиришкен, бирок кийинчерээк легалдуу айланма жана салык түшүүлөрүнүн жыл сайын өсүшү байкалган.
Акматов окшош тенденциялар күйүүчү-майлоочу материалдар рыногунда да байкалууда, анда легалдуу сатуу көлөмдөрү көбөйүп, мамлекеттик бюджетке түшүүлөр өсүүдө.
