Баткен облусунда Эмгек жана билим берүү министрлигинин эки күндүк жумушчу сапары өтүүдө.
Министрликтин маалыматы боюнча, делегацияны министр Догдуркүл Кендирбаева жетектеп, ошондой эле группага санариптик өнүктүрүү боюнча министрдин орун басары жана министрликтин ар кандай бөлүмдөрүнүн жетекчилери кирет.
3-мартта министрликтин өкүлдөрү Раззаков шаарындагы № 48 кесиптик лицейге барып, билим берүү мекемесинин жамааты менен суроо-жооп форматында ачык талкуу өткөрүштү.
Лейлек районунда делегация жаңы «Ак шоола» бала бакчасы менен таанышып, бала бакчанын ишин жакшыртуу боюнча сунуштар берилди.
Сапардын экинчи күнү, 4-мартта Баткен районунун жана Баткен шаарынын мектеп директорлору менен жолугушуу болду.
Жолугушуу учурунда министрлик тарабынан иштелип чыккан санариптик платформаларды колдонуу, окуу китептери менен камсыздоо, мугалимдердин квалификациясын жогорулатуу жана предметтик стандарттарды ишке ашыруу маселелери талкууланды.
