Бүгүн, телефон аркылуу сүйлөшүү учурунда, Кыргыз Республикасынын тышкы иштер министри Жээнбек Кулубаев Лесото Королдугунун тышкы иштер жана эл аралык мамилелер министри Леджоне Мпотжоан менен эки тараптуу кызматташтыктын негизги аспекттерин талкуулады.
Кыргызстандын Тышкы иштер министрлигинин маалымат кызматынын маалыматына ылайык, сүйлөшүүчүлөр көп тараптуу форумдардагы өз ара аракеттерге өзгөчө көңүл бөлүштү, ошондой эле жогорку деңгээлде визит алмашуу пландарын талкуулашты.
Сүйлөшүүнүн аягында тараптар эки өлкөнүн тышкы саясий мекемелери арасында байланыштарды активдештирүүнүн зарылдыгына макул болушту.
