Башында фонд ишкерлерге жардам берүүгө көңүл бурган, бирок кийинчерээк өз программаларын жеке адамдарга, турак жай сатып алууга каалган жарандарга кеңейтүү чечими кабыл алынды.
Абакиров банктар ипотекалык кредиттерди бергенде, адатта 30% өлчөмүндө баштапкы төлөмдү талап кыларын белгиледи. Мындай жагдайларда фонд бул сумма боюнча кепилдик катары чыгышы мүмкүн.
«Жаран биринчи кезекте банкка ипотекалык кредит алуу үчүн кайрылышы керек. Эгер кредит бекитилсе, бирок баштапкы төлөм керек болсо, ал Гарантиялык фонддон кепилдик сурай алат. Бизде бардык банктар менен келишимдер бар», — деди ал.
Анын айтымында, кепилдикти берүү процесси банк тарабынан арызды карап чыгуу менен бирге жүрөт, бул кошумча документтерди топтоону талап кылбайт.
Мындан тышкары, программа мамлекеттик ипотекалык программа үчүн гана эмес, коммерциялык банктар тарабынан берилген кредиттер үчүн да иштейт.
Фонд ошондой эле жергиликтүү өндүрүштөгү унааларды сатып алууга жарандар үчүн кепилдиктерди сунуштайт. Абакировдун маалыматына караганда, банктардын авто кредит берүүдөгү талаптары да 30% чамасындагы баштапкы төлөмдү камтыйт, бул сумма фонддун кепилдиги менен жабылышы мүмкүн.
Бул программа боюнча 2025-жылы 158 адам унаа сатып алууга мүмкүнчүлүк алышты. Бул жылдын биринчи эки айында 60тан ашык жаран бул мүмкүнчүлүктөн пайдаланууга жетишти.
Ошондой эле лизинг операциялары үчүн кепилдик программасы иштелип жатат. Абакировдун айтымында, бул программаны ишке киргизүү банктар менен айрым маселелерди чечкенден кийин мүмкүн болот.
