Жаңы тизмеге баня жана сауна кызматтарын көрсөтүүчү уюмдар, ошондой эле бирдиктүү бренд астында иштеген тармактык компаниялардын бөлүгү болгон коомдук тамактануу жана тез тамактануу жайлары кирди.
Бул категорияларга кирбеген салык төлөчүлөр да ГНС менен макулдашуу шарты менен долбоорго ыктыярдуу катыша алышат.
ФПОнун киргизилиши боюнча пилоттук долбоорду ишке ашырууда жетишкен ийгиликтер катышуучулардын санын кеңейтүүгө себеп болду.
Учурда долбоорго коомдук тамактануу, мейманкана кызматтары жана күйүүчү май материалдарын саткан автозаправка станциялары тартылган.
Программа башталгандан бери ФПОнун орнотулушун 798 ишкер жүргүзүп, 1 190 кассалык аппаратты колдонуп, 955 коомдук тамактануу жайын камтыган.
ГНСтин маалыматы боюнча, ФПО интеграциялангандан мурун орточо күндүк киреше 105,3 миң сомду түзсө, киргизилгенден кийин бул көрсөткүч 213,1 миң сомго өскөн.
Орточо күндүк кирешенин өсүү темпи 202,1%ды түзүп, бул ФПОнун киргизилишинен жана финансылык операциялардын ачыктыгынын жогорулашынан улам чоң оң таасир бар экенин көрсөтөт.
ФПОнун киргизилиши салык башкаруусунун санариптик трансформациясынын маанилүү багыты болуп, финансылык-экономикалык ишмердүүлүктүн ачыктыгын жакшыртууга, көлөкө экономикасын азайтууга жана бизнес жүргүзүү үчүн бирдей шарттарды камсыздоого багытталган.
