Индия кино күндөрүнүн ачылышы Бишкектеги Т. Абдумомунов атындагы Кыргыз улуттук академиялык драма театрында өттү. Иш-чаранын алкагында көрүүчүлөр «Каухар» элдик бий ансамбли тарабынан сунушталган «Болливуд ритмдери» аттуу бий шоуунан ырахат алышты.
Бишкектеги Индия элчиси Бирендер Сингх Ядав индия киносу көрсөтүүлөрүнүн 15-марттан 18-мартка чейин Чингиз Айтматов атындагы Кино үйүндө өтө турганына кубаныч билдирди. «Биз сиздер менен «Мэри Ком», «Беги, Милка, беги», «Бумба жолунда» жана «Командир» сыяктуу фильмдердин көрсөтүлүшүндө жолугушууну чыдамсыздык менен күтүп жатабыз», — деп белгиледи ал.
Бул иш-чараны Бишкектеги Индия элчилиги, Кинематография департаменти жана «Кыргызфильм» мамлекеттик кино борбору уюштуруп жатат.
