Кыргызстанда Экономика жана соода министрлиги менен BiExpo компаниясы ортосунда кызматташтык боюнча меморандумга кол коюлду. Бул тууралуу министрликтин басма сөз кызматынан маалымдалды.
Документти министр Бакытым Сыдыков жана BiExpo директору Виктор Линовицкий кол койду.
Меморандумдун максаты көргөзмө-ярмарка ишмердүүлүгүн колдоо, жергиликтүү бизнеске жардам берүү жана кыргыз товарларын эл аралык аренада илгерилетүү болуп саналат.
Келишимдин алкагында 2026-жылдын 4-6-июнунда «Жаштык» кичи аренасында Ala-Too Trade & Industry Expo эл аралык тармак аралык көргөзмөсү өтөт.
Иш-чарага кыргызстандык компаниялар менен бирге Россия, Беларусь, Өзбекстан, Кытай, Тажикстан жана Казахстан өлкөлөрүнүн өкүлдөрү катышат. Көргөзмө бизнес байланыштарды өнүктүрүүгө, экспортту көбөйтүүгө жана Кыргызстанды эл аралык көргөзмөлөр жана бизнес-форумдар үчүн платформа катары илгерилетүүгө багытталган.
