Кыргыз Республикасынын Министрлер Кабинети облигацияларды чыгаруу жана жүгүртүү боюнча жаңы Регламентти бекитти. Тийиштүү токтомду Министрлер Кабинетинин төрагасы Адылбек Касымалиев кол койду.
Өкмөттүн басма сөз кызматынан алынган маалыматка ылайык, бул документ облигацияларды чыгаруу, жайгаштыруу, жүгүртүү жана төлөө процессин тартипке салуу максатында кабыл алынган. Ал ошондой эле облигацияларды жүгүртүү процессинде пайда болгон мамилелерди жөнгө салууга бирдиктүү мамиле түзүүгө, ошондой эле инвесторлордун укуктарын жана мыйзамдуу кызыкчылыктарын коргоого багытталган.
Токтом расмий жарыяланган күндөн тартып он беш күндөн кийин күчүнө кирет.
Токтомдун толук текстине бул жерден таанышууга болот.
