Кыргыз Республикасынын Премьер-министри жана Президенттин администрациясынын башчысы Адылбек Касымалиев «Бостон Консалтинг Групп» (Boston Consulting Group) делегациясы менен жолугушту, деп билдирет өкмөттүн маалымат кызматы.
Талкуунун жүрүшүндө өлкөнүн туруктуу экономикалык өнүгүүсүнө багытталган кызматташуу мүмкүнчүлүктөрүнө басым жасалды.
Акыркы эки жылда тараптардын ортосундагы өз ара аракеттешүү ишенимдүү мүнөзгө ээ болуп, компаниянын колдоосу менен Кыргыз Республикасы үчүн бир нече негизги стратегиялык документтерди иштеп чыгууга жардам берди.
Кыргыз тарап бул кызматташууну улантуунун маанилүүлүгүн белгилеп, эл аралык байланыштарды өнүктүрүүгө жана белгилүү инвесторлорду тартууга көңүл бурду.
«Кыргыз Республикасы конструктивдүү өнөктөштүккө ачык, жана биз өз ара пайдалуу долбоорлорду ийгиликтүү ишке ашыруу үчүн шарттарды түзүүгө даярбыз. Биз ар дайым туруктуу жана узак мөөнөттүү экономикалык секторлорубуздун өнүгүүсүнө кызыкдар жооптуу инвесторлорду көрүүгө кубанычтабыз», - деди Касымалиев.
«Бостон Консалтинг Групп» өкүлдөрү Кыргыз Республикасы менен натыйжалуу кызматташууну улантууга даяр экендиктерин билдиришти.
