Расмий визитинин алкагында Кыргыз Республикасына келген Черногориянын премьер-министрдин орун басары жана тышкы иштер министри Эрвин Ибрагимович өкмөт башчы Адылбек Касымалиев менен жолугушту. Бул тууралуу маалыматты өкмөттүн басма сөз кызматы билдирди.
Касымалиев Черногория менен өз ара кызыкчылык жараткан тармактарда мамилелерди тереңдетүүгө жана тажрыйба алмашууга кызыктар экенин билдирди. Ал ошондой эле Черногориянын Кыргызстандагы ардактуу консулдугунун ачылышы эки тараптуу кызматташтыкты күчөтүү жана өлкөлөр ортосундагы достук байланыштарды бекемдөө үчүн маанилүү кадам болоорун белгиледи.
Эрвин Ибрагимович, өз кезегинде, жылуу кабыл алганы үчүн ыраазычылык билдирип, Черногориянын активдүү кызматташууга даяр экенин айтты.
Диалог учурунда тараптар соода, экономика, туризм, айыл чарба жана энергетика сыяктуу тармактарда кыргыз-черногор мамилелерин өнүктүрүү мүмкүнчүлүктөрүн талкуулашты.
Мындан тышкары, Касымалиев Черногория делегациясын 2027-жылы БУУнун колдоосу менен өтө турган Экинчи Глобалдык тоо саммитине катышууга чакырды, ошондой эле өлкөнүн спортчуларына VI Дүйнөлүк кочевник оюндарында катышууну сунуштады.
