Министрлер кабинетинин төрагасы Адылбек Касымалиевдин Казакстанга болгон жумушчу сапары аяктады.
Өкмөттөгү булактардан алынган маалыматка караганда, Касымалиев сапарынын алкагында Евразия өкмөттөр аралык кеңешинин жыйынына катышты.
Жыйындын жүрүшүндө, тар жана кеңейтилген курамда өткөн жыйында, ар түрдүү тармактардагы кызматташууга байланыштуу ондон ашык маселе талкууланды жана бир нече маанилүү документтерге кол коюлду.
Жыйынга Евразия экономикалык биримдигине мүчө мамлекеттердин өкмөт башчылары, анын ичинде Беларусь Республикасы, Казакстан, Кыргызстан, Россия Федерациясы, ошондой эле Армениянын вице-премьери жана байкоочу мамлекеттердин өкүлдөрү, Евразия экономикалык комиссиясынын коллегиясынын төрагасы катышты.
Сапар учурунда Касымалиев ошондой эле «Digital Qazaqstan – 2026» эл аралык санарип форумуна катышып, санариптик долбоорлордун көргөзмөсү менен таанышып, пленардык сессияда сөз сүйлөдү.
Форум санариптик майнинг, криптобиржалар, киберкоопсуздук, билим берүү жана корпоративдик инновациялар сыяктуу маанилүү заманбап темаларды камтыды.
