Жогорку Кенештин жыйынында депутат Адилет Белеков Кочкор районунда гемодиализ борборун түзүү зарылдыгы тууралуу маанилүү маселени көтөрдү. Саламаттык сактоо министри Каныбек Досмамбетов учурда гемодиализ кызматтары аутсорсингдик компаниялар аркылуу берилерин билдирди.
Анын айтымында, жеке фирмалар мамлекеттен ар бир гемодиализ процедурасы үчүн 6,5 миң сом алат. Көптөгөн бейтаптар кызматтын сапатына нааразычылык билдиришип, эски жабдыктар, атап айтканда, кытай аппараттарын колдонуу тууралуу маалымат беришет. Натыйжада, мамлекет жыл сайын жеке компанияларга 4 миллиард сомго жакын каражат коротот, ал эми 4,5 миңден ашык адам бул кызматка муктаж. Ошондуктан өлкөнүн ар кайсы райондорунда мамлекеттик борборлорду ачуу пландалууда», - деп кошумчалады министр.
