27-февралда Кыргыз Республикасынын Саламаттык сактоо министрлигинде, министрдин орун басары Темирбек Эркинов Пакистан Республикасынын элчиси Алтамаш Вазир Хан менен жолугушту.
Жолугушууда саламаттык сактоо жана медициналык билим берүү тармагындагы кызматташтыкка байланыштуу негизги маселелер талкууланды. Кыргызстандын медициналык мекемелеринде пакистандык студенттердин билим берүү сапатын жогорулатууга көңүл бурулду.
Тараптар академиялык өз ара аракеттешүүнү өнүктүрүүнүн, билим берүү стандарттарын жогорулатуунун жана студенттердин практикалык даярдыгын жакшыртуунун маанилүүлүгүн белгилешти.
Ошондой эле, медициналык университеттер менен эки өлкөнүн медициналык мекемелери арасында өнөктөштүктөрдү түзүү мүмкүнчүлүктөрү, окутуучулар жана дарыгерлер арасында тажрыйба алмашуу, ошондой эле биргелешкен илимий иш-чараларды уюштуруу талкууланды.
Жолугушуунун жыйынтыгында медициналык билим берүү жана саламаттык сактоо тармагында эки тараптуу кызматташтыкты өнүктүрүүгө кызыгуу билдирилди.
