Райондук ветеринария, мал чарбачылыгын өнүктүрүү, жайыттар жана жемдер башкармалыгынын начальниги Торогелди Тынымсеитовдун маалыматы боюнча, бул региондо жыл сайын мал оорулары менен күрөшүү боюнча атайын план иштелип чыгат.
Тынымсеитовдун айтымында, план райондук администрация жана айыл өкмөтү менен макулдашылат.
«Ар жылы биз оорулардын алдын алуу боюнча план түзүп, аны айыл өкмөтү менен бирге бекитебиз. Бул планга ылайык, учурда койлорду жана эчкилерди массалык вакцинациялоо иштери жүргүзүлүүдө», — деп белгиледи ал.
Адис мындай профилактикалык аракеттердин жаныбарлар арасында инфекциялык оорулардын алдын алууда жана региондогу мал чарбачылыгын туруктуу өнүктүрүүдө чоң мааниге ээ экенин баса белгиледи.
