Улуттук кардиология жана терапия борборунун директору Талант Эралиев, жасалма интеллект технологияларын кардиология тармагына киргизүү боюнча маалымат менен бөлүштү.
Ал учурда өлкөдө ИИни колдонууга байланыштуу бир катар стратегиялык жана амбициялуу демилгелер ишке ашырылып жатканын белгиледи.
«Биз пациенттердин электрокардиографияны каалаган ФАПта, дарыгер жок болсо да, жүргүзө алуусун камсыз кылуучу система түзүүнү пландап жатабыз. Текшерүүнүн жыйынтыктары автоматтык түрдө эксперттик борборго жөнөтүлөт, анда адистер аларды алыстан анализдеп, корутундуларды чыгара алышат», - деп түшүндүрдү ал.
Мындан тышкары, Эралиев, бул маалыматтардын негизинде зарыл болгон учурда медициналык жардамды тез арада уюштуруу мүмкүнчүлүгү бар экенин кошумчалады.
