2026-жылы Күндө болгон күчтүү жарылуудан улам Жерде магниттик бороон башталды, ал G4.7 деңгээлине жетип, G5 деңгээлине өтүүгө даяр. Бул тууралуу РИА Новости маалымат берип, Космостук изилдөөлөр институтунун (ИКИ) Күн астрономиясы лабораториясына шилтеме кылган. Укумуштуулар эскертет: "Эгер Күн желинин параметрлери өзгөрбөсө, G5 деңгээлине өтүү бир-эки сааттын ичинде болушу мүмкүн".
Окуя кечээ кечинде башталды, Күндөн эң күчтүү жарылуудан кийин чыгарылган плазма агымы биздин планетага жетти.
Жекшемби күнү катталган жарылуу 2026-жылдагы биринчи жарылуу болуп, X1.95 классын алды. Лабораторияда Жердин жанында Күн протондорунун деңгээли акыркы 20 жылдагы рекорддук көрсөткүчтөргө жеткенин белгилешти, акыркы ушундай учур 2003-жылдын 29-октябрында, XXI кылымдын эң ири магниттик бороонунун алдында байкалган.
Күн жарылуулары рентген нурлануусунун күчүнө жараша беш категорияга бөлүнөт: A, B, C, M жана X. Бул көрүнүштөр Жерде магниттик бороонду пайда кылып, энергетикалык системалардын ишине тоскоолдук кылып, куштар жана жаныбарлардын миграциялык жолдоруна таасир этет. Күчтүү магниттик бороон кыска толкундуу байланыш, навигациялык системалар менен көйгөйлөрдү жаратып, өнөр жай тармактарында чыңалуунун бузулушуна алып келиши мүмкүн. Мындан тышкары, Күндүн активдүүлүгү полярдык жарыктардын байкалган аймактарын кеңейтет. Магниттик бороондордун адамдын ден соолугуна таасири боюнча суроо ачык бойдон калууда.
