Одессадагы аткылоонун кесепеттери. Сүрөт: t.me/odesa_prokuratura.
- Дүйшөмбүгө караган түнү орус аскерлери Одессага массалык сокку урушту, натыйжада үч адам, анын ичинде бир бала, мерт болду, 17 адам жаракат алды, деп билдирди жергиликтүү бийлик.
- Украинанын Куралдуу Күчтөрүнүн Башкы штабы Новороссийсктеги "Шесхарис" терминалынын мунай куюу инфраструктурасы бузулганын тастыктады. Reuters агенттиги соккудан кийин "Транснефть" компаниясынын негизги пирстеринде өрт чыкканын билдирди. Орус армиясы Новороссийск портунда "Каспий трубопроводдук консорциумунун" объектилери кол салууга кабылганын айтты. Казакстандын бийликтери бул окуянын өлкөдөн экспорттолгон мунайдын көлөмүнө таасир этпегенин белгилешти.
- Днепропетровск облусунун Никополь районундагы аткылоолордун натыйжасында тогуз адам жаракат алды, алардын арасында бир жарым жаштагы бала жана 17 жаштагы жигит бар, деп билдирди облустук прокуратура.
- Белгород облусунда дрондордун соккусу натыйжасында үч адам жаракат алды, деп билдирди губернатор Вячеслав Гладков.
- Славянскте бир адам аткылоодон мерт болду, деп билдирди Донецк облусунун администрациясынын башчысы Вадим Филашкин, ошондой эле беш адам жаракат алды, алардын арасында 2017-жылы туулган бала бар.
- Харьковдо дрондордун соккусу натыйжасында беш адам жаракат алды.
- Украинанын президенти Владимир Зеленский Россияны энергетикалык инфраструктурага болгон өз ара кол салууларды токтотууга чакырды. "Эгер Россия биздин энергетикалык объекттерге сокку урушту токтотууга даяр болсо, биз да жооп берүүгө даярбыз", - деп айтылат президенттин 6-апрелде жарыяланган билдирүүсүндө. Бул сунуштун Россия тарапка АКШнын өкүлдөрү тарабынан берилгени белгиленди.
- Венгриянын тышкы иштер министри Петер Сийярто өлкөнүн армиясы Венгриядан өтүүчү "Түрк агымы" газ куурунун участогун коргоону камсыздай турганын билдирди. Бул чечим Сербиядагы газ куурунун жанынан жардыруучу шайман табылган соң кабыл алынды.
- Мурманск облусунун губернатору Чибис 31-мартта Крымда Ан-26 учагынын кулашынын натыйжасында Орусиянын Түндүк флотунун аралашкан авиация корпусунун командири генерал-лейтенант Александр Отрощенко жана башка аскер кызматкерлеринин өлүмү тууралуу маалыматты тастыктады.
