Социалдык тармактарда Hyundai Sonata жана BMW унааларынын айдоочулары Ж. Батыра – Чортекова көчөсүндө жарышып жаткан видеосу пайда болду.
Патрулдук милиция башкармалыгынан алынган маалыматка ылайык, айдоочулардын бул аракеттери жол кыймылынын эрежелерин катуу бузуу болуп эсептелет жана башка жол кыймылынын катышуучулары үчүн өмүргө жана ден соолукка коркунуч туудурат.
Окуяга жооп катары, УПСМ кызматкерлери ыкчам иш-чараларды өткөрүшүп, унааларды аныкташты. Айдоочулар автохулигандык үчүн жаза алышты, ал эми транспорт каражаттары айып пул токтотуучу жайга коюлду.
