Ауылдаштардын айтымында, жырткычтар Дамба, Ача-Кайыңды, Баш-Кайыңды аймактарында жана мал базарынын жанында үзгүлтүксүз пайда болуп, калкка жана өзгөчө үй жаныбарларына коркунуч туудурууда.
Райондун биринчи орун басары Максат Кадыркуловдун билдирүүсүнө караганда, мамлекет тарабынан атып алынган шакал үчүн 3000 сом өлчөмүндө сыйлык каралган. Бул каражаттар аңчыларга мамлекеттик бюджеттен төлөнөт.
Шакалдар өтө агрессивдүү жырткычтар болуп, коркунуч туудурушу мүмкүн. Алардын санынын тез өсүшү коопсуздук маселелерин көтөрүп, жергиликтүү тургундарды тынчсыздандырууда. Учурда аңчылар мобилизацияланып, белгиленген аймактарда тиешелүү иштерди жүргүзүүдө.
Жергиликтүү бийлик өкүлдөрү шакалдардын пайда болушу боюнча кайрылууларга дароо чара көрүлөрүн билдиришти. Тургундарды сак болууга жана кооптуу кырдаалдар пайда болгондо тиешелүү кызматтарды ыкчам кабарлоого чакырышууда.
