Зыярат учурунда Ташиев өткөрмө пунктунун аймагынын абалын жакшыртуу зарылдыгына көңүл бурду. Ал оңдоо иштерин жүргүзүү жана жашылдандыруу керектигин, ошондой эле чек араны кесип өтүүчү жарандар үчүн ыңгайлуу шарттарды түзүү зарылдыгын белгиледи. Узун кезектердин пайда болушун алдын алуу жана кызматкерлердин ишин координациялоонун маанилүүлүгүн баса белгиледи.
Мындан тышкары, Ташиев чек арада милдеттерин аткарып жаткан аскер кызматчылары менен жолугушуп, алардын кызмат шарттары жана мамлекеттик чек араны коргоого багытталган иш-чаралар менен таанышып чыкты.
Текшерүүнүн жыйынтыгы менен бир нече кемчиликтер аныкталып, аларды жоюу үчүн жооптуу жетекчилерге тиешелүү көрсөтмөлөр берилди.
