Окуу жайы, салттуу форматта сабакка катыша албаган окуучулар үчүн түзүлгөн.
2026-жылдын 19-январында Кыргыз Республикасынын билим берүү министри Догдуркүл Кендирбаева онлайн-мектеп «Тунгучтун» директору Айсулуу Жамангулова жана орун басарлары менен жолугушуу өткөрдү. Бул маалымат министрликтин басма сөз кызматы тарабынан жарыяланды.
Жыйында онлайн-мектептин учурдагы иши жана анын келечектеги өнүгүүсү боюнча пландар талкууланды.
Мектептин директору окуу процессин уюштурууда өзгөртүүлөр киргизилгенин, окуу предметтери боюнча маршруттук листтер жаңыртылганын жана онлайн-сабактарды жаздыруу үчүн жабдуулар орнотулуп жатканын билдирди.
Министр онлайн-мектептин негизги максаты, саламаттык абалына же башка себептерге байланыштуу кадимки мектептерге барып окуй албаган окуучуларга сапаттуу билим берүү экенин баса белгиледи.
Сүрөт www
