Бул маалыматты Куршаб айыл өкмөтүнүн башчысы Сактан Келдибаев билдирди.
Сессия учурунда социалдык-экономикалык өнүктүрүү тармагындагы долбоорлордун аткарылышы, инфраструктуранын абалы жана жергиликтүү маселелерди чечүү боюнча отчеттор сунушталды.
Мындан тышкары, катышуучулар келерки жылдын бюджетинин кирешелери жана чыгашаларын талкуулашып, негизги приоритеттерди белгилешти. Сессияга катышкан депутаттардын жана жарандардын бардык сунуштары жана пикирлери эске алынып, тиешелүү чечимдер кабыл алынды.
Жыйналыштын жыйынтыгында 2026-жылга жергиликтүү бюджет 67 миллион 367 миң 700 сом өлчөмүндө бекитилди, ошондой эле келерки жылга иш пландары белгиленди.
Өткөн жылы бюджет 50 миллион 828 миң сомду түзгөн, бул быйыл 17 миллион сомго көбөйгөндүгүн билдирет.
