Рейд учурунда көчөнү төрт тилкеге кеңейтүү пландары жарыяланды. Жумуштар Райымбеков көчөсүнөн Касымбеков көчөсүнө чейин жүргүзүлөт. Бул кеңейтүү Ош эл аралык аэропортуна жаңы альтернативдүү маршрут түзөт. Ошондуктан кызыл сызыкта жайгашкан мыйзамсыз курулуштарды бузуу иштери башталды.
«Мындан тышкары, Ош көчөсүндө жайгашкан «Жетиген» билим берүү мекемесинин аймагында коммерциялык объекттин курулушунун мыйзамдуулугу текшерилет», — деп кошумчалашты билдирүүдө.
Жаңы жолдун туурасы 24 метрди түзөт деп пландалууда, ал эми эки тарапта жөө жүргүнчүлөр үчүн тротуарлар жана жашыл зоналар уюштурулат.
