Комиссиянын курамына райондук мамлекеттик администрациянын орун басары Э.Качиев жана Бакай-Атин районунун прокурорунун улук жардамчысы И.Алыкулов кирди. Алар Ак-Дөбө айылында жайгашкан «Халима Иная» медресесинде жана Бакай-Ата айылындагы «Бакай-Ата» медресесинде текшерүү жүргүзүштү.
Акимияттын маалыматы боюнча, текшерүү учурунда окуу-тарбия процессинин уюштурулушу, санитардык нормалардын сакталуусу, коопсуздук, ошондой эле документтердин мыйзам талаптарына ылайыктыгы бааланды. Текшерүүнүн жыйынтыгында айрым кемчиликтер аныкталып, алардын оңдолушу боюнча сунуштар жана көрсөтмөлөр берилди.
Мындан тышкары, текшерүүнүн алкагында ар кандай маселелерге, анын ичинде зомбулуктун алдын алуу, эрте никелер, адам укуктарын коргоо, жарандык коргонуу жана өрт коопсуздугу боюнча түшүндүрүү иш-чаралары өткөрүлдү.
