Шаардыктар жүздөгөн болуп, өз райондорунун актуалдуу маселелерин жана көйгөйлөрүн талкуулоо үчүн чогулушту. Жолугушууда шаардык бийлик өкүлдөрү инфраструктуранын өнүгүшү, коммуналдык кызматтар жана социалдык маселелер боюнча көптөгөн суроолорго жооп беришти.
Мэрдин орун басары Сонунбек Жунусбаев мурда мындай иш-чаралар мектеп имараттарында гана өткөрүлөрүн белгиледи.
«Сиздер биздин адаттагы эрежебизди буздуңуздар. Мурда мындай жыйындар мектептерде гана өтчү, эми болсо, көрүп тургандай, залда 500гө жакын адам чогулду», - деди ал мэр Жеңишбек Токторбаевге кайрылып.
