Кыргыз Республикасынын Тышкы иштер министрлиги Америка Кошмо Штаттарынын Индиана штатында болгон жол кырсыгы тууралуу акыркы маалыматтарды комментарийлеп, кырсыктын натыйжасында Кыргызстандын жараны Б.Б. кармалганын билдирди.
Ведомстводон маалымдашкандай, учурда Кыргызстандын АКШдагы дипломатиялык өкүлчүлүктөрү болгон окуянын бардык деталдарын, анын ичинде кармалган адамдын юридикалык статусун жана анын консулдук-юридикалык колдоосуна байланыштуу маселелерди аныктоо менен алектенүүдө.
Расмий маалыматтар келип түшкөн сайын кошумча маалыматтар жеткиликтүү болот деп күтүлүүдө.
