13-февралда Талас районунун тургундары менен өткөн жыйында 2025-жылга жасалган иштердин отчету сунушталып, жакынкы жылдарга өнүктүрүү пландары белгиленди.
Мындан тышкары, талкуунун алкагында регионду өнүктүрүүгө багытталган бир нече маанилүү долбоорлор белгиленди. Алардын катарына:
- жаңы заводдорду жана өнөр жай парктарын түзүү,
- «Манас Ордо» Улуттук тарыхый-архитектуралык комплексин калыбына келтирүү,
- «Чыңгыз ааламы» демилгесин ишке ашыруу,
- Талас мамлекеттик университетинин жаңы окуу корпусун куруу,
- «Талас арка» архитектуралык ансамблин жаңылоо,
- регион боюнча 90дан ашык объекттин курулушун аяктоо,
- жергиликтүү фермерлер үчүн айыл чарба техникаларын жеткирүү,
- Кытайдан 30 жаңы автобус сатып алуу.
Маалыматка ылайык, жогоруда аталган долбоорлордун көбү 31-августка чейин аякталышы керек.
Жолугушууларда тургундар жергиликтүү көйгөйлөргө, анын ичинде талааларды сугатка жеткирүү маселелерине байланыштуу маанилүү суроолорду көтөрүштү.
