Айыл чарба өнүктүрүү боюнча райондук башкармалыктын башкы адиси Айжамал Кадыркулованын айтымында, суу ресурстары, айыл чарба жана кайра иштетүү өнөр жайы министрлиги тарабынан уюштурулган иш-чарада Үгүт айылынан фермер Сүйүнбай Шергазиевге жана Баетов айылынан дыйкан Акылбек Абдылдаевге медалдар жана 25 миң сомдук акчалай сыйлыктар тапшырылды.
Иш-чара Бишкектеги университеттердин биринде өтүүдө.
С.Шергазиев көп жылдан бери таза кандуу кыргыз аттарын багуу менен алектенет. 2025-жылы анын ат чарбасы кыргыз аттарын багуу боюнча асыл тукум чарба статусун алды. Азыркы учурда анын 50 баш кыргыз аты бар.
А.Абдылдаев Ак-Тал районунда сафлорду өстүрүү жана жайылтууга көмөктөшүү боюнча биринчи болуп чыккан адамдардын бири болду. Ал ошондой эле сафлордон май өндүрүү боюнча кичи ишканасын ачты.
