Бул иш-чараны шаар мэри Нуртилек Орозбаев жетектеди. Иш-чаранын катышуучуларынын арасында шаар прокурору, ГКНБ башкармалыгынын жетекчиси, ошондой эле шаардык ички иштер бөлүмүнүн, 7706-аскер бөлүгүнүн, Өзгөчө кырдаалдар министрлигинин жана аскер комиссариатынын башчылары болду.
Жыйналыштын максаты – ар кандай мамлекеттик органдар ортосундагы өз ара аракеттешүүнү жакшыртуу жана шаардагы тартипти бекемдөө.
Күн тартибинде 2025-жылга карата шаардык ички иштер бөлүмүнүн жана билим берүү тармагынын кылмыштуулукка каршы күрөш, коомдук коопсуздукту камсыздоо жана укук бузуулардын алдын алуу боюнча ишинин жыйынтыктары талкууланды..
Жыйындын соңунда тиешелүү кызматтарга коомдук коопсуздукту камсыздоо жана тартипти сактоо боюнча чараларды күчөтүү, ошондой эле алдын алуу иш-чараларын улантуу боюнча көрсөтмөлөр берилди.
