Жергиликтүү мэриядан билдиришкендей, иш-чарага социалдык өнүктүрүү бөлүмүнүн кызматкерлери, жашы жете элек адамдар боюнча инспекциянын өкүлдөрү, ошондой эле шаардык эмгек, социалдык камсыздоо жана миграция башкармалыгынын кызматкерлери катышкан.
Рейддин натыйжасында коомдук жайларда, анын ичинде көңүл ачуу жайлары жана кафе сыяктуу жерлерде мыйзамдуу өкүлдөрсүз жүргөн 30 жаш өспүрүм катталган.
Жашы жете элек балдардын ата-энелери менен сүйлөшүүлөр жүргүзүлүп, протоколдор түзүлүп, балдарды көзөмөлдөө зарылдыгы тууралуу эскертүүлөр берилген.
Рейдди уюштуруучулар жаштар арасында коопсуздукту жогорулатуу жана укук бузууларды алдын алуу максатында ушундай иш-чараларды улантууну пландаштырууда.
