Turmush агенттигинин кабарчысы берген маалыматка ылайык, текшерүүгө азык-түлүк коопсуздугу боюнча комиссиянын мүчөлөрү катышып, антимонополиялык органдар тарабынан белгиленген баалардын сакталуусун көзөмөлдөшкөн. Иш-чаранын жүрүшүндө шаардагы эт жана көмүр саткан соодагерлердин иши текшерилди.
Комиссиянын өкүлдөрү соодагерлер менен сүйлөшүүлөрдү жүргүзүп, негизги азык-түлүктөрдүн баасынын негизсиз жогорулашынын алдын алуунун маанилүүлүгүн түшүндүрүштү.
Туруктуу баалардын коомдун социалдык абалында маанилүү роль ойноруна көңүл бурулду.
Өткөрүлгөн текшерүүнүн жыйынтыктары белгиленген процедураларга ылайык каралат жана баа саясатын жөнгө салуу боюнча иштер улантылат.
