Бишкекте «Жашыл такси» деп аталган жаңы долбоор башталат, бул тууралуу Кыргыз Республикасынын Табигый ресурстар, экология жана техникалык көзөмөл министрлиги маалымдады.
Министрлик, бул демилге Улуттук инвестициялык фонд менен кызматташтыкта иштелип жатканын тактады. Учурда долбоорду ишке ашыруу механизмдери жана потенциалы талкууланууда.
"Экологиялык жактан таза транспортту киргизүү айлана-чөйрөнү коргоо, абанын сапатын жакшыртуу жана шаарлардын туруктуу өнүгүшү үчүн негизги кадам болуп саналат. Биз бул багытта туруктуу негизде иш алып бара беребиз", - деп белгилешти министрликтен.
