Бишкекте Мамлекеттик салык кызматы (МСК) текшерүү жүргүзүп, акциздик маркаларсыз алкогольдук продукцияны сактоо жана сатуу фактыларын аныктады. Бул тууралуу МСКнын маалымат кызматы билдирет.
«Чунцин Хого» ЖЧКсына таандык соода объекттеринин биринде акциздик маркаларсыз 160 даана кытай өндүрүшүндөгү алкогольдук продукция, ошондой эле спирттик жыты бар 405 литр суюктук жана 124 даана кант камтыган ичимдик табылган.
«Выбор Востока» дүкөнүндө да акциздик маркаларсыз 248 даана кытай өндүрүшүндөгү алкогольдук продукция, 7 энергетикалык ичимдик жана 266 сок табылган.
Бардык катталган фактылар боюнча салык контролунун актылары түзүлүп, Кыргыз Республикасынын мыйзамдарына ылайык зарыл чаралар көрүлөт.
Мамлекеттик салык кызматы акциздик маркаларсыз акциздик продукцияны сатуу салык мыйзамдарын бузуу болуп эсептелинерин жана Кыргыз Республикасындагы мыйзамдарга ылайык жоопкерчиликке тартыларын эскертет.
