Облустук эмгек, социалдык камсыздоо жана миграция башкармалыгынын начальниги Алмазбек Эрмат уулунун айтымында, кризистик шарттардагы үй-бүлөлөрдү жана балдарды аныктоо үчүн үйлөрдү кыдыруу улантылууда.
«Учурда Баткен районунун ар бир айыл өкмөтүндө жана айылында текшерүүлөрдү жүргүзүп жатабыз. Аныкталган үй-бүлөлөрдүн жашоо шарттары менен таанышып жатабыз. Жашы жете элек балдардын укуктарын коргоого, алардын коопсуздугуна жана зарыл социалдык жардамды көрсөтүүгө көңүл буруу маанилүү. Материалдык колдоо көрсөтүү үчүн жергиликтүү бийлик менен сүйлөшүүлөрдү жүргүзүп жатабыз», - деди ал.
