26-февралда, таңкы саат 09:15те, Кыргызстандагы бардык өтмөктөр транспорттун кыймылы үчүн ачылды.
Кыргыз Республикасынын Транспорт жана байланыш министрлигинин басма сөз кызматынан алынган маалыматка ылайык, министрликке караштуу жол куруу ишканалары жолдорду инерттик материалдар менен чачуу жана жүрүүчү бөлүктү тазалоо менен активдүү алектенишүүдө. Жумуштар штаттык режимде жүргүзүлүүдө.
Министрлик айдоочуларды жол кыймылынын эрежелерин сактоого, каршы тилкеге чыгууга жол бербөөгө жана аба ырайынын начарлашы учурда керектүү инструменттерди жана жабдууларды алып жүрүүгө чакырат.
